ՄԵՍՐՈՊ ՄԱՇՏՈՑԻ ԱՆՎԱՆ ԵՐԿԱՐՕՐՅԱ ՈՒՍՈՒՄՆԱԿԱՆ ՀԱՄԱԼԻՐ

«ԷԼԵԿՏՐՈՆԱՅԻՆ ՀԱՂՈՐԴԱԿՑՈՒԹՅԱՆ ՄՇԱԿՈՒՅԹԸ» Առարկա՝ Ռուսաց լեզու Դասարան՝ 8-րդ Պատասխանատու ուսուցիչ՝ Կարինե Մկրտումյան Մասնակիցների քանակ՝ 5 աշակերտ. Աղաջանյան Արփինե, Բադալյան Միռա, Գվոզդև Դենիս, Հակոբյան Էլլա, Մելքոնյան Արեգ Նախագծի նպատակն էր՝ Ձևավորել և զարգացնել սովորողների՝ ժամանակակից տեղեկատվական տեխնոլոգիաների միջոցով հետազոտական աշխատանք կատարելու հմտությունները: Նպաստել քննական և վերլուծական կարողությունների ու հմտությունների ձևավորմանը: Ներկայացնել և վերլուծել համացանցից ձեռք բերված անհրաժեշտ տեղեկատվությունը: Ներկայացնել էլեկտրոնային հաղորդակցության դրական կողմերը, մասնավորապես՝ - տեղեկատվության բազմազանությունը, հակիրճությունը և հարստությունը, - որոնման և հաղորդման արագությունը, - էլեկտրոնային հաղորդակցության միջոցների պարզությունն ու մատչելիությունը։ Ներկայացնել և վերլուծել էլեկտրոնային հաղորդակցության թերություններն ու առաջ բերած դժվարությունները՝ - էլեկտրոնային պաշարների խոցելիությունը, - համացանցի առկայությունից կախվածությունը, - անմիջական շփման փաստացի բացակայությունը, - հաղորդակցության տեխնիկական միջոցներից (հեռախոս, համակարգիչ և այլն) որոշակի կախվածությունը, - ֆիզիկական ակտիվության պակասը և այլն։ Նախագծային աշխատանքում առաջադրված վերջնարդյունքներն էին՝ • Ձեռք բերված տեղեկատվությունը վերլուծելու, համակարգելու, գլխավորը երկրորդականից տարբերակելու, պատրաստված նյութը ներկայացնելու հմտություններ • Համագործակցային, նախագծային աշխատանք կատարելու հմտություններ և կարողություններ։ Հիմնախնդիրը կամ մարտահրավերային հարցը. • Էլեկտրոնային հաղորդակցությունը ինչ դրական կողմեր ունի, ինչ դժվարություններ ու խնդիրներ կարող է առաջացնել և ինչպես կարելի է հաղթահարել դրանք։ Հետազոտությունն իրականացնելիս ինչ հարցեր էին առաջադրված սովորողների առջև. 1. Ի՞նչ առավելություններ և թերություններ ունի էլեկտրոնային հաղորդա¬կցությունը։ 2. Ի՞նչ պետք է անել էլեկտրոնային հաղորդակցության դրական կողմերը շահեկանորեն կիրառելու, թերություններն ու սահմանափակումները հաղթա-հարելու համար։ 3. Ինչպե՞ս է թվային հաղորդակցությունը փոխում մարդկային շփման մշակույթը։ 4. Ինչպե՞ս կարելի է բարելավել հաղորդակցական հմտությունները տարբեր միջավայրերում (դպրոց, ընտանիք, աշխատանք)՝ նկատի ունենալով էլեկտրո-նային հաղորդակցության առանձնահատկությունները։ < /td>