ՄԵՍՐՈՊ ՄԱՇՏՈՑԻ ԱՆՎԱՆ ԵՐԿԱՐՕՐՅԱ ՈՒՍՈՒՄՆԱԿԱՆ ՀԱՄԱԼԻՐ

ՀԻՆԳ ԱՌՑԱՆՑ ՀԱՎԵԼՎԱԾՆԵՐԻ ՄԱՍԻՆ, ՈՐՈՆՔ ՆՊԱՍՏՈՒՄ ԵՆ ՕՏԱՐ ԼԵԶՎԻ ՅՈՒՐԱՑՄԱՆ ԲԱՐԵԼԱՎՄԱՆԸ Առարկա՝ Անգլերեն Դասարան՝ 7-րդ Պատասխանատու ուսուցիչ՝ Հասմիկ Բիշարյան Մասնակիցների քանակ՝ 7 աշակերտ. Ղազարյան Ալեքսանդր, Չալիկյան Արեն, Ստեփանյան Դավիթ - 7/1, Ամիրյան Վիկտորյա, Պողոսովա Սյուզի, Ռուդի Ադրինա, Վալեսյան Լիլի - 7/3 Նախագծի նպատակն էր՝ 7-րդ դասարանի աշակերտների մոտ զարգացնել անգլերենի հաղորդակցական կարողությունները՝ կիրառելով ժամանակակից առցանց հարթակներ և թվային կրթական գործիքներ։ Նախագիծը միտված է սովորողների լսելու, կարդալու, խոսելու և բառապաշարի հարստացման հմտությունների կատարելագործմանը: Նախագծի ընթացքում կիրառվելու են հինգ առցանց հավելվածներ և հարթակներ՝ • LyricsTraining — անգլերենի ուսուցում երաժշտության և երգերի միջոցով, • Readlang — լեզվի յուրացում ընթերցանության և նոր բառերի ուսումնասիրության միջոցով, • TED Talks և TED-Ed տեսանյութեր — իրական հաղորդակցական խոսքի և թեմատիկ տեսանյութերի միջոցով լսողական և վերլուծական հմտությունների զարգացում, • EngVid — քերականական և լեզվական գիտելիքների ամրապնդում ուսուցողական տեսանյութերի միջոցով, • Kahoot! — լեզվի ուսուցում խաղերի և մրցակցային առաջադրանքների միջոցով։ Նախագիծը նպատակ ունի նաև զարգացնել աշակերտների ինքնուրույն ուսումնառությունը և ստեղծագործական մտածողության հմտությունները՝ խթանելով նրանց ակտիվ ներգրավվածությունը ուսումնական գործընթացին։ Նախագծային աշխատանքում առաջադրված վերջնարդյունքներն էին՝ Սովորողների մոտ ձևավորել. • անգլերենով ընթերցանական, լսողական և հաղորդակցական հմտություններ, • նոր բառապաշարն արդյունավետ կիրառելու կարողություն, • օտարալեզու տեքստերի և տեսանյութերի ընդհանուր բովանդակությունը հասկանալու հմտություն, • թվային կրթական հարթակներից ինքնուրույն օգտվելու կարողություն, • ինքնուրույն ուսումնառության և ինքնազարգացման կարողություններ, • խաղային և ինտերակտիվ ուսուցման միջոցով սովորելու մոտիվացիա։ Հետազոտությունն իրականացնելիս ինչ հարցեր էին առաջադրված սովորողների առջև. • Ինչպե՞ս կարող են առցանց հավելվածները օգնել անգլերենի ուսումնասիրմանը։ • Ո՞ր հարթակն է առավել արդյունավետ բառապաշարի զարգացման համար։ • Ինչպե՞ս կարելի է սովորել անգլերեն երգերի միջոցով։ • Ինչպե՞ս են TED Talks և TED-Ed տեսանյութերը նպաստում լսողական հմտությունների զարգացմանը։ • Ինչպիսի՞ քերականական և լեզվական գիտելիքներ կարելի է ձեռք բերել EngVid հարթակի միջոցով։ • Ինչպե՞ս են խաղային մեթոդները նպաստում սովորողների ակտիվ մասնակցությանը դասապրոցեսին։ • Ինչու՞ է Kahoot! հարթակը հետաքրքիր և մոտիվացնող սովորողների համար։ • Ո՞ր հավելվածն է ամենահարմարն ու արդյունավետը 7-րդ դասարանի աշակերտների համար և ինչու՞։ • Ինչպե՞ս կարելի է համատեղել տեխնոլոգիաները և լեզվի ուսուցումը ժամանակակից կրթության մեջ: Նախագծային աշխատանքի արդյունքը. Տեսանյութի պատրաստում, հարցում լսարանին, խաղի անցկացում, բանավոր ներկայացում։ < /td>