ՄԵՍՐՈՊ ՄԱՇՏՈՑԻ ԱՆՎԱՆ ԵՐԿԱՐՕՐՅԱ ՈՒՍՈՒՄՆԱԿԱՆ ՀԱՄԱԼԻՐ

«ԴՊՐՈՑ–ԸՆՏԱՆԻՔ» «Դպրոց–ընտանիք» համագործակցության շրջանակում Մ. Մաշտոցի անվան ուսումնական համալիրի 3/3 դասարանի աշակերտները հյուրընկալեցին Արցախի ԱԱԾ գնդապետ Նիկոլայ Ավագիմյանին։ Հայոց բանակի 34-ամյակի առթիվ գնդապետ Ավագիմյանը հանդիպում ունեցավ աշակերտների հետ՝ ներկայացնելով հետաքրքիր, ուսանելի և հայրենասիրական տեղեկություններ հայոց բանակի, հայրենիքի պաշտպանության և զինվորի պատասխանատու առաքելության մասին։ Հանդիպումը վերածվեց անկեղծ ու ջերմ զրույցի, որը նպաստեց երեխաների մեջ հայրենասիրության, պատասխանատվության զգացման և արժեհամակարգի կարևորության ամրապնդմանը։ Անչափ շնորհակալ ենք պարոն Նիկոլայ Ավագիմյանին մեր երեխաների հետ անցկացրած բովանդակալից, տպավորիչ և ոգեշնչող դասի, ինչպես նաև նման արժեքավոր հանդիպման հնարավորության համար : < /td>